بتحتفل شركة ميزو للهواتف الذكية الشهر الجاي بعيد ميلادها ال18 وابتداء من 3 مارس 2021 الجاي هتبدء بطرح ميزو 18 و ميزو 18 برو.
وكانت كشفت الشركة عن بعض التفاصيل المهمة حول شاشات الهواتف دي وحسب ما اتنشر على صفحتهم الرسمية ان Meizu 18 هيجي بشاشة قطرية تبلغ 6.2 بوصة وأكيد برضو هتكون الحواف منحنية على الجنبين.
وكمان في نفس الوقت هيكون Meizu 18 Pro جاي بشاشة دقتها QHD أو 2k زي ما بتسميها الشركات الصينية مع تصميم زجاجي منحني وكاميرا امامية في منتصف الشاشة.
ومن المتوقع ان الهواتف دي تكون مختلفة تماماً عن بعضها وهيكون الميزو 18 مدعم ببروسيسور Snapdragon 870 في حين ان الميزو 18 برو هيكون مدعوم ببروسيسور اقوى منه وهو بروسيسور Snaodragon 888 ومتوقع كمان زيادة سعة البطارية بالاضافة لزيادة سرعة الشحن.
ولكن في حاجة كمان ممكن تكون غير متوقعة للبعض وهي ان تقريباً الجهازين هيكونوا غير مزودين بشواحن في العلب بتاعتهم يعني التليفونات دي هتيجي من غير شواحن زي ما اتعودنا في اي موبايل بنشتريه.
تعليقات
إرسال تعليق